Europol je apelovao na sve oni koji mogu da pomognu kako bi najtraženiji bjegunci bili uhapšeni i privedeni pravdi.
- Možeš li biti naš sledeći heroj? Potrebna nam je vaša pomoć da pronađemo najtraženije bjegunce u Evropi. Svako od nas mogao bi biti pogođen kriminalom, ali možete pomoći da Evropa bude sigurna tako što ćete provjeriti listu najtraženijih u EU. Molimo vas da odvojite nekoliko sekundi da pogledate slike ovih bjegunaca i provjerite prepoznajete li nekog od njih- navode iz Europola.
Ističu da bi jedan savjet mogao napraviti veliku razliku u borbi protiv kriminala.
- Jedan savjet bi mogao pomoći da se sruši opasan bjegunac i spasi potencijalne žrtve. Ako prepoznate nekoga, možete nas anonimno obavijestiti putem web stranice. Superheroji nisu samo za stripove i nisu vam potrebne nadljudske sposobnosti da biste postali heroj, samo trebate držati oči otvorene- navode iz Europola.
Europol je objavio povodom ovoga i zanimljive stripove, a priče u ovim stripovima zasnovane su na stvarnim događajima i savjetima njihovih svakodnevnih heroja.
