Danas je na konferenciji za novinare u Pentagonu govorio američki general Mark Majli, najviše rangirani vojnik u SAD-u, javljaju agencije prenose mediji.

Rekao je da je avganistanska vojska bila utrenirana i sposobna braniti svoju zemlju, dodavši kako se u konačnici sve svodi na volju i vođstvo.

-Ni ja ni bilo ko drugi nije vidio da se tolika vojska uruši u 11 dana- rekao je Majli.

-Situacija na aerodromu je jako opasna-

Trenutnu situaciju na aerodromu u Kabulu opisao je kao "jako opasnu, dinamičnu i fluidnu".

-Sad nije vrijeme za rasprave o tome što se dogodilo, jer naši vojnici su upravo u rizičnoj situaciji", rekao je Majli.

-Naša namjera je u potpunosti evakuisati sve američke državljane iz Avganistana ako to žele. To je prioritet broj jedan-poručio je on.

 Novinari su ga pitali i kako Amerika planira evakuisati sve Amerikance koji žele napustiti Avganistan kad je dio njih u drugim dijelovima zemlje, a ne na aerodromu u Kabulu.

 -State Department radi s talibanima kako bi se omogućio siguran transport američkih državljana do vazdušne luke- rekao je.

-Spremni smo preduzeti i druge korake-dodao je, spomenuvši "izvlačenje" američkih državljana iz Avganistana, ali dodatne detalje o tome nije htio iznositi.