Demonstranti su zahtijevali amnestiju za osobe optužene da su učestvovale u navodnom pokušaju puča koji se dogodio nekoliko dana nakon inauguracije Lule da Silve u januaru 2023. godine, prenosi Rojters.
Tokom protesta, Bolsonarove pristalice, obučene u dresove brazilske fudbalske reprezentacije, uzvikivale su „Magnitski" i upućivale uvrede na račun sudije de Moraesa i predsjednika Lule.
Na skupovima su viđene i američke zastave, kao i transparenti sa porukama podrške Donaldu Trampu. Bolsonaro se okupljenima u Riju de Žaneiru obratio preko telefona. Bivši predsjednik je u kućnom pritvoru, nosi elektronsku nanogicu i, po odluci sudije de Moraesa, nema pravo da napušta svoj dom vikendom i praznicima.
U martu je petočlano vijeće Vrhovnog suda jednoglasno donijelo odluku da se Bolsonaru sudi zbog optužbi da je učestvovao u zavjeri za svrgavanje Lule s vlasti.
Ukoliko bude proglašen krivim, prijeti mu višegodišnja zatvorska kazna, a suđenje se očekuje kasnije ove godine. Prošlog meseca, sudija de Moraes je uveo dodatne mere protiv Bolsonara, navodeći da on i njegov sin Eduardo, koji trenutno živi u Sjedinjenim Državama, sarađuju sa američkim vlastima s ciljem miješanja u unutrašnja pitanja Brazila.
