Mada neki od njih na prvu djeluju rezervisano i hladno, jedva čekaju da uz osobu koju vole ostvare sve romantične scenarije o kojima maštaju. Čim se zaljube u njihovim glavama vrte se romantični scenariji.

Ako žudite za romantikom, a sviđa vam se osoba rođena u jednom od ovih znaka, imate sreće, jer uz njih vam neće nedostajati nježnosti i topline.

U kategoriji zvanoj “najromantičniji horoskopski znaci” sasvim neočekivano pobjeđuje Bik, a slijede ga Lav, Vaga i Ribe.

Bik

Iza čvrste i cool fasade, Bik uvijek sanjari o romantici. Ovim znakom vlada Venera, planeta ljubavi i ljepote, što znači da Bika privlače sve lijepe stvari u životu (romantika je jedna od njih). Ako ste u vezi s Bikom, obasipaće vas darovima, ušuškati vas u dekice dok gledate film po vašoj želji i masirati vam leđa kad god osjetite da ste pod stresom. U spavaćoj sobi takođe ćete osjetiti njihovu romantičnu stranu. Na kraju, nijedan znak nije senzualniji od Bika.

Lav

Je li iko iznenađen što je Lav na popisu najromantičnijih znaka? Rođen pod vladavinom Sunca, Lav obožava da obasipa ljude koje voli dobrom energijom i pozitivnim vibracijama. Bilo da vas hvali ili vam pomaže da budete ono što jeste, Lav će vas uvijek podsticati da prigrlite svoju romantičnu stranu. Lav nema problema s iskazivanjem privrženosti, što može biti problem samo ako ne volite ništa sladunjavo ni pretjerane izljeve ljubavi u javnosti.

Vaga

Ako postoji znak za koji baš svi znaju da je romantičan, to je sigurno Vaga. Ona obožava proces udvaranja i zaljubljivanja i da se ona pita, ta početna faza se nikad ne bi smjela završiti. Kad su predugo same, Vage osjećaju nervozu, a kad krenu izlaziti na dejtove – dominiraju terenom, jer niko ne razumije pravila ljubavne igre bolje od Vaga. Pod vladavinom Venere, ovaj horoskopski znak lud je za iskrama koje frcaju kada se dvoje ljudi nevjerovatno zaljubi jedno u drugo. Vage su uz to i kokete koje vole i dlanu.

Ribe

Ribe su opsjednute romantikom i u tome istinski uživaju. Uostalom, Ribe su doslovno horoskopski znak fantazija i alternativnih stvarnosti pa smatraju da je njihov životni cilj da svoj život učine čarobnim. Ako ste u vezi s Ribom, pripremite se na slatke ljubavne poruke, duga maženja, beskrajne poklone i razgovore o svojim osjećajima. Riba se ne boji povremeno da odluta iz stvarnog svijeta, ali ako se jako zaljubi u vas, pomoći će vam da se i vaša stvarnost učini podnošljivijom i čarobnijom.