- Vatrogasci su na terenu i vatra je odbijena od prvih kuća. Pozvali smo avione, oni bi trebalo da reaguju, a naše ekipe su tamo. Situacija nije alarmantna. Vatra se nije približila nijednoj kući, mislim na sve požare koje smo gasili, iako je mještanima sve alarmantno - kaže Blečić.
On je pozvao građane ponovo da očiste rastinje oko svojih kuća, istakavši da za to nikad nije kasno.
- Nije još uvijek kasno da očiste svoje imanje oni koji to do sada nisu radili. Sve to može da se uradi kosijerom i trimerom - kazao je Blečić.
On je istakao da imaju požar na još jednoj lokaciji, u Malesiji.
- Imamo požar i u Malesiji. Mještani se uključuju i pomažu pri gašenju, kako ko može - kazao je Blečić pohvalivši građane koji pomažu i sarađuju sa vatrogascima.
