Šator je uklonjen nakon što ga je uništio vjetar. Sandro Paljušaj, mještanin, rekao je da im je šator nekoliko dana prije neko uništio, a da ga je vjetar dodatno oštetio. Zbog toga, kako kaže, obezbijedili su kamp prikolicu gdje će nastaviti protest.

– Pošto nam je vjetar dodatno uništio šator, nakon što ga je par dana prije nego iscijepao, donijeli smo kamp prikolicu, tako da je ona zamijenila šator. Sada tu nastavljamo protest. Imamo malo manje mjesta, ali snaći ćemo se. Protest ne prekidamo to je sigurno - rekao je Paljušaj.

Paljušaj kaže da su juče primijetili da kroz kapiju Deponije ulaze kamioni sa kabastim i raznim drugim otpadom.

– Nakon toga su se osjetili jako neprijatni mirisi, da je bilo nemoguće opstati tu. Imamo snimke tih kamiona - rekao je Paljušaj.