Boris Ćetković, mještanin Botuna, poslao je fotografiju i video zapis kako izgledaju cijevi nakon skidanja vodomjera. Ćetković tvrdi da na mjestu gdje se spaja vodomjer postoji trag praljavštine tamne boje. 

- Uznemiren sam. Ovako je bilo i juče, isto je i danas. Ne znam o čemu se radi, ne tvrdim da je opasno.  Tražio sam od Vodovoda da provjere o čemu se radi, i da me razuvjere u bojazan da ne pijemo ispravnu vodu. Što se tiče skidanje vodomjera nemam tu problem jer dug postoji – kaže Boris Ćetković. 

Direktor Vodovoda Aleksandar Nišavić tvrdnje i navode Ćetkovića nije htio da komentariše. 

Kako saznajemo ekipe Vodovoda su i danas u Botunu na terenu pa javnost očekuje da se situacija oko nađenih tragova razbistri.