Derbi 15. kola Premijer lige na "Vila Parku" donio je triler, a pripao je Aston Vili koja je golom Emiliana Buendije u četvrtom minutu nadoknade srušila Arsenal (2:1) i nanijela mu prvi poraz u sezoni.
Nastavila je četa Unaja Emerija sa sjajnim partijama i "tobdžijama" prišla na svega tri boda zaostatka.
Golom Metija Keša u 36. povela je Vila, izjednačio je Leandro Trosar u 52. minutu, a onda je u junaka domaćih za delirijum na tribinama izrastao Buendija koji je poslao loptu u mrežu nemoćnog Raje. I potpisao prvi poraz Arsenala u sezoni u svim takmičenjima.
