Inter je večeras u velikom finalu u Rimu nadigrao Juventus 4:2 i to nakon produžetaka. Rezultat u regularnom dijelu bio je 2:2

Odličan meč viđen na stadionu "Olimpiko", dosta golova i uzbuđenja pred oba gola.

Inter je poveo u sedmom minutu kada je pogodio Nikolo Barela na dodavanje Marcela Brozovića.

Juve je furiozno počeo drugo poluvrijeme jer je Aleksa Sandro u 50. minutu pogodio za izjednačenje 1:1.

Samo dva minuta kasnije ekipa iz Torina dolazi do potpunog preokreta. Odlično je kontru istrčao Dušan Vlahović, prevario Samira Handanovića i pogodio za 2:1.

Inter se nije predavao, a tim iz Milana uspio je da dođe do 2:2 golom Hakana Čalhanoglu sa penala u 80. minutu. Prije toga prekršaj je iznudio Lautaro Martinez.

Rezultatom 2:2 završen je regularni tok utakmice, pa se ušlo u propdužetke.

U dodatnom vremenu Inter je bio mnogo bolji, a tim iz Milana je do 3:2 stigao u 98. minutu, opet sa penala, a strijelac je ovog puta bio Ivan Perišić.

Hrvat je i četiri minuta kasnije postigao pogodak, a ovoga puta nakon sjajnog šuta za konačnih 4:2.

Ovo je za Inter bio osmi trofej Kupa Italije.