Ostao je Dragan Stojković selektor Srbije posle neuspjeha na prošlogodišnjem Euru, ali nakon debakla od Engleske u Beogradu u derbiju grupe K kvalifikacija za SP (0:5) pitanje je da li će više imati povjerenje čeljnih ljudi FSS. Navijači su ga večeras izviždali i tražili njegov ostavku uz povike "Piksi, odlazi".

Engleska, iako oslabljena je razbila nemoćne "orlove", koji su još i dobro prošli sa "petardom"u mreži.

Četa Tomasa Tuhela je praktično čekirala kartu za Mundijal, a Srbiji preostaje borba za drugo mjesto i baraž sa Albanijom, koja je savladala Letoniju u Tirani (1:0). Ovakva Srbija teško će do vize za SP.

Jeste Engleska kvalitetnija, ali nije niko očekivao da će poniziti Srbiju usred Beograda. O nemoći Srbije ilustruju samo četiri šuta u okvir gola. Strijelci za Englesku bili su Hari Kejn u 33, Noni Madueke, Ezri Konsa u 52, Mark Gei u 75, и Markus Rašford (penal) u 90. minutu.

U grupi D, Francuska je teže od očekivanog savladala Island (2:1), dok je Azerbejdžan remizirao sa favorizovanom Ukrajinom (1:1).

Portugal je u u derbiju grupe F bio bolji od Mađarske (3:2) u Budimpešti, dok je Jermenija iznenadila Republiku Irsku u Jerevanu (2:1).

U grupi H, Austrija je u Zenici uzela mjeru Bosni i Hercegovini (2:1), dok su Kipar i Rumunija remizirali (2:2).

Najzad, u grupi I, Norveška je u Oslu deklasirala Moldaviju (11:1), uz čak pet golova Erlinga Halanda.