Portugalac se sa Junajtedom rastao prije mjesec dana nakon male minutaže i niza nesporazuma sa trenerom Erikom ten Hagom.

- Prije svega, moram reći da smo svi tužni što Kristijano Ronaldo nije više dio kluba - rekao je Eriksen i dodao:

- Njegova ostavština u ovom klubu je nešto posebno. Jako sam srećan što sam imao priliku da igram sa njim u mojoj karijeri.

Junajted je trenutno peti na tabeli Premijer lige sa 29 bodova.

- Sada smo u dobroj situaciji. Početak sezone je bio dosta drukčiji i teži za nas. U nekim utakmicama smo previše griješili, ali mislim da smo se od tada posložili te da gradimo pravu ekipu. Osjeti se to u grupi, osjećamo da sistem funkcioniše, a to je nešto u šta morate vjerovati i mislim da to i radimo. Atmosfera je dobra, puno igrača se vratilo sa Svjetskog prvenstva i uklopilo u ekipu, a definitivno pomaže i pobjeđivanje u utakmicama - zaključio je Eriksen.