Juventus je nakon "petarde" Al Ainu na premijeri ostvario još jednu ubjedljivu pobjedu na klupskom SP u SAD - tim Igora Tudora savladao je u drugom kolu grupe G marokanski Vidad sa 4:1 i osigurao plasman u osminu finala.
U poslednjem kolu Juventus će protiv Mančester sitija odlučivati o pobjedniku grupe.
Već u šestom minutu Juve je poveo autogolom Butua, a onda je svoj šou imao Kenan Jildiz koji je bio dvostruki strijelac u 16. i 69. minutu. U četvrtom minutu nadoknade iz penala mrežu je pogodio i Dušan Vlahović, dok je strijelac gola za tim iz Kazablanke bio Lorč u 25. minutu.
