Milan je tako zabilježio peti trijumf u sezoni uz jedan remi, a Specija sada ima jedan remi, jednu pobjedu i četiri poraza.

U prvo poluvremenu nešto opasniji je bio Milan, ali nije bilo velikih prilika.

Gosti su do vođstva došli u 48. minutu kada je pogodio sin legendarnog Paola Maldinija, Danijel, na asistenciju Pjera Kalulua.

Imala je i Specija svoje šanse, prijetio je i Milan nakon gola, ali su se domaći radovali u 80. minutu kada je pogodio Danijele Verde i donio remi svom timu.

Ipak, Milan se brzo oporavio nakon šoka i stigao do novog vođstva u 87. minutu kada je pogodio Braim Dijaz na dodavanje Salemahersa.

Nakon ovog trijumfa Milan ima 16 bodova i trenutno je lider na tabeli, ali je Napoli drugi sa bodom manje, ali i utakmicom manje.

Specija ima četiri boda i nalazi se na 17. mjestu.