Prvi ovosezonski rimski derbi pripao je Romi, koja je u nedjeljnim matineu četvrtog kola Serije A kao nominalni gost savladala Lacio sa 1:0.

Nije to bio previše sadržajan susret, a u junaka je izrastao Lorenco Pelegrini, koji je u 38. minutu nakon velike greške Tavareša i asistencije Sulea postigao gol za pobjedu Rome. Treću minimalnu ove sezone i povratak na trijumafalni put nakon poraza u prošlom kolu od Torina.

Sa druge strane, Lacio je pretrpio treći poraz, mada mu je i sreća okrenula leđa u petom minutu nadoknade kada je šut Kataldija umjesto u mreži završio na stativi.