Portugal je u velikom stilu ovjerio vizu za Mundijal - na "Dragau" je demoliralo Jermeniju (9:1), dok u baraž kao drugoplasirana selekcija iz grupe F ide Republika Irska, koja je u Budimpešti srušila Mađarsku (3:2), a u junaka je izrastao Troj Perot koji je bio autor het-trika.

I bez Kristijana Ronalda, Portugal je demonstrirao moć, nakon poraza u Dablinu odreagovao na sjajan način i nemoćnim Jermenima brojao do devet.

A na "Puškaš areni" muk. Imala je Mađarska vođstvo do 80. minuta, i bod joj je bio dovoljan da osigura baraž, a na kraju je šokirao Perot. Napadač AZ Alkmara je imao nedjelju iz snova - prije tri dana srušio je Portugal sa dva gola, a večeras je Mađarsku ostavio u suzama. Treći, pobjedonosni gol postigao je u posljednim sekundama, pa će Irci u martu preko baraža imati priliku da se domognu Mundijala.

Grupa F

Mađarska - Irska 2:3 (2:1)

(Lukač 3, Varga 37 - Perot 15 p, 80, 90+5)

Portugal - Jermenija 9:1 (5:1)

(Veiga 7, Gonkalo Ramos 28, Neveš 30, 41, 81, B. Fernandeš 45+3 p, 52, 72 p, Konseisao 90+2 - Spertsjan 18)