Pobjede gostiju u prva dva meča petog kola Lige šampiona - Benfika je derbiju začelja savladala Ajaks u Amsterdamu (0:2) i pomjerila se sa nule, dok je Rojal Union šokirao Galatasaraj u Istanbulu (0:1).
Benfika je na "Johan Krojf areni" slavila golovima Samulea Dala u šestom i Leandra Bareira u 90. i ostala u igri za plasman u nokaut fazu, dok su "kopljanici" ostali na nuli i praktično su otpisani.
U Istanbulu iznenađenje i muk. Rojal Union je golom Promisa Dejvisa u 57. minutu srušio favorizovani Galatasaraj i stigao do drugog trijumfa. Turski šampion je doživio drugi poraz nakon tri vezane pobjede.
