Fudbaleri Sutjeske su već napravili jedan bitan korak – prolaz u drugi krug kvalifikacija za Ligu konferencija. Na evropskoj klupskoj sceni, Nikšićani imaju priliku da naparve još značajno veći korak – prolaz u treći krug.

Na konferenciji za novinare, o nastavku evropskog puta govorili su šef struke Milija Savović i kapiten Vladan Giljen.

-Sugurno je da je utakmica, veliki izazov i veliki motiv. Takav protivnik, pred domaćom publiku, mora svakoga mobilizirati na 120 posto. Ovo je još jedna utakmica, koja otvara neslućene mogućnosti. Ako ulaziš u dvomeč, samo sa razmišljanjem da je to velika utakmica, a nisi spreman kvalitetno reagovati i trčati, onda je to nešto što Evropa kažnjava. Bitno je da zaigramo hrabro. Evropske utakmice, to se zaista gleda s drukčijim naočarima. Znamo kakav kvalitet ima Beitar. Za to smo se pripremali i na to se pripremamo. Znamo šta nas čeka. Ovo je specifična utakmica, koja zahtjeva čistu pamet, kontrolisane emocije i koja zahtjeva dati sve od sebe, kao uostalom i na svakom meču – konstatovao je između ostalog Milija Savović.

Ocjena i kapitena Giljena je da Beitar, teži rival, od Dinama.

-Niko nam ne može oduzeti nadu i zašto ne vjerovati da možemo do još jednog podviga. Godi sama spoznaja da je Sutjeska ovog ljeta preskočila Dinama, da je stigla do dvomeča i sa jednim takvim rivalom, iz jedne zaiste kvalitetne lige. Obje utakmice moramo odigrati angažovano i agresivno. Ukoliko budemo imali pristup svih 180 minuta, kao protiv Dinama, prolaz u narednu rundu nije nemoguć - istakao je Giljen.