U finalu odigranom u Beranama, tim trenera Zorana Milaševića pobijedio je Studentski dom sa 4:1 i tako zasluženo jos jednom podigao pehar namijenjen najboljem.
Studentski dom je bolje otvorio finale, poveli su golom u Koste Vukovića u 11. minutu, ali je Titograd do odlaska na odmor uspio da rezultat vrati u egal. Mrezu rivala pogodio je Balša Bojanović u 15. minutu. Nakon samo dva minuta igre u nastavku Titograd je poveo golom Marka Spasojevića, a taj rezultat je bio aktivan sve do 38. Minuta kada je Pavle Vukčević stavio tacku na pobjedu svoje ekipe. Na kraju Titograd je postigao i četvrti pogodak, a strijelac je bio Balša Bojanović i to udarcem sa svoje polovine.
Pehare, plakete i medalje akterima finala uručio je selektor futsal reprezentacije Crne Gore Sveto Ljesar.
