Senegalci su u velikom finalu srušili Egipat i to nakon penala 4:2.

Odmah nakon završetka finala uslijedila je erupcija u glavnom gradu te zemlje Dakaru.

Narod je masovno izašao na ulice da pozdravi svije heroje predvođene asom Liverpula Sadiom Maneom.

Kapiten Senegala, as Napolija, Kalidu Kulibali, bio je presrećan posle krune na Kupu afričkih nacija u Kamerunu.

- Osjećamo se srećno. Znali smo da će biti teško da se osvoji Afrički kup nacija, ali smo uspjeli. Naš tim je zaslužio da osvoji ovu titulu. Dugo smo je tražili i sada to imamo. Ovaj tim je veličanstven. Bila je to teška utakmica i težak turnir. Uspjeli smo sa našim timom i našom snagom. Naš golman je najbolji na svijetu i osvojili smo titulu - istakao je kapiten Senegala.