U fantastičnoj utakmici punoj preokreta i izjednačenja, Denver je akon produžetka, savladao Oklahomu (113:104) i poveo u polufinalnoj seriji Zapada sa 2-1.

Utakmica je bila krajnje neizvjesna, najveću prednost ostvarila je Oklahoma devet razlike, ali u jako ranoj fazi utakmice.

U drugom poluvremenu, pored brojnih smjena u vođstvu, nijedna ekipa nije uspjela da stigne do prednosti veće od pet razlike.

Oklahoma je u finišu ušla u nešto boljoj poziciji.

Tridesetak sekundi prije kraja, imala je prednost od tri poena i posjed, ali je Šaj Gildžas-Aleksander promašio,

Aron Gordon je opet pogodio najbitniji šut utakmice, da bi Kristijan Braun ponovo odbranio Šeja na drugoj strani.

Imali su Nagetsi nekoliko sekundi za pobjedu, ali je Nikola Jokić promašio.

U porodužetku, odlična igra Denvera, prije svega u odbrani, i pobjeda. 

Džamal Marej je za pobjednike dao 27 poena, Gordon je dodao 22, a Majkl Porter džunior 21.

Jokić je ubacio 20 poena uz 16 skokova, šest asistencija i osam izgubljenih lopti.

Džalen Vilijams je sa 32 koša predvodio Tanderse. 

Sjajnom igrom u drugoj četvrtini (32:14), Klivlend je osigurao pobjedu protiv Indijane (126:104) i smanjio u seriji na 2-1.

Blistao je Donovan Mičel, koji je ubacio 43 poena. 

Na drugoj strani, "rezervista" Benedik Maturin je postigao 23 koša.