Saga oko toga gdje će Filip Petrušev nastaviti karijeru je završena.

Olimpijakos, sa kojim je reprezentativac Srbije imao ugovor, potvrdio je da je potpisao za Dubai.

Ugovor važi do ljeta 2028. godine. 

"Olimpijakos saopštava da je igrač Filip Petrušev prešao u Dubai i želi mu puno uspjeha u daljoj karijeri", stoji u kratkoj objavi Pirejaca. 

Petrušev je u karijeri nastupao za Megu, Anadolu Efes, Crvenu zvezdu, a poslije kratke epizode u NBA, vratio se i potpisao za Olimpijakos, koji ga je prošle jeseni proslijedio na pozajmicu Mali Kalemegdan.

U Evroligi je kao igrač Zvezde imao učinak od 14,1 poena, 4,9 skokova i 1,7 asistencija uz indeks korisnosti 16,5.

Nekadašnji student univerziteta Gonzaga deveto je pojačanje Dubaija za narednu sezonu.

Prije njega, ugovore su potpisali Aleksa Avramović, Džanan Musa, Mekinli Rajt, Kenan Kamenjaš, Mam Žaite, Dvejn Bejkon, Džastin Anderson i Mfiondu Kebengele.

Dolasko Petruševa, Dubai je zatvorio roster za predstojeću sezonu.