Sedamnaestogodišnja Ruskinja Mira Andrejeva i Dankinja Klara Tauson, igraće za titulua na WTA turniru iz serije 1000 u Dohi.

Andrejeva je nastavila da pobjeđuje favoritkinje i da postavlja rekorde.

Nakon što je u četvrtfinalu dobila Igu Švjontek, danas je u polufinalu bila bolja od Jelene Ribakine 6:4, 4:6, 6:3.

Na taj način,postala je najmlađa finalistkinja u istoriji WTA 1000 turnira, otkako su isti 2009. godine uvršteni u kalendar WTA tura.

Za mladu Ruskinju ovo je najveći uspjeh u karijeri i ukupno treće finale.

Prošle godine je u rumunskom Lasiju došla do prve titule na WTA 250 turniru, a u oktobru je poražena u finalu WTA 500 turnira u kineskom Ningbou od sunarodnjakinje Darije Kasatkine.

Tauson je u drugom polufiunalu savladala Čehinju Karolinu Muhovu - 6:4, 6:7 (4-7), 6:3.

Važan je bio peti gem odlučujućeg seta, pri rezultatu 2:2, kada je Muhova propustila tri brejk lopte.

To je Dankinju osokolilo i u osmom gemu je napravila ključni brejk i došla do najvećeg rezultata u karijeri.

Prethodno je pobijedila i Elenu Svitolinu i Arinu Sabalenku.