Bajka Jakuba Menšika u Dohi nije krunisana osvajanjem titule - u finalu turnira u glavnom gradu Katara bolji od 18-godišnjeg češkog tenisera bio je iskusni Rus Karen Hačanov sa 7:6, 6:4 za sat i 50 minuta igre.

Sedamnaesti teniser svijeta je tako opravdao ulogu favorita protiv najprijatnijeg iznenađenja turnira. Mešik je u Dohu došao da dobije telefon ajfon koji su organizatori dodjeljivali učesnicima, a stigao je do finala.

Ipak, u finalu je presudilo iskustvo Hačanova koji je osvojio prvu titulu u 2024. godini, a ukupno šestu u karijeri.

Menšik koji je nagovijestio da se od njega mogu očekivati veliki rezultati u budućnosti od ponedjeljka će biti na 87. mjestu.