Sud za prekršaje Budva u dva odvojena postupka izrekao je kaznu zbog vožnje u alkoholisanjom stanju i zbog posjedovanja droge i nezakonitog  boravka na teritoriji Crne Gore.

R.B (1977) iz Tivta osuđen je na kaznu zatvora  od 18 dana jer je sinoć upravljao kamionom s  2,35 promila alkohola u organizmu. Osim kazne izrečena mu je i zabrana upravljanja vozilima u trajanju od 4 mjeseca kao i 4 kaznena boda.

-U odvojenom postupku M.Đ. (1985) iz Niša, državljanin republike Srbije kažnjen je novčanim kaznom u iznosu od 550€ zbog posjedovanja manje količine opojne droge marihuana, kao i zbog nezakonitog boravka na teritoriji Crne Gore u trajanju dužem od 120 dana. Osim kazne, izrečena mu je zaštitna mjera protjerivanja stranaca sa teritorije Crne Gore u trajanju od 6 mjeseci, koju će izvršiti Uprava policije u roku od 8 dana. Kazna mu je kao stranom državljaninu naplaćena odmah po izricanju odluke- naveo je Marko Đukanović predsjednik suda za prekršaje u Budvi.