
– ‘How Many Times‘ je pjesma o svijesti, savjesti i introspekciji. Mnogo ljudi svjesno radi stvari za koje znaju da su pogrešne i to ignorišu. Neke od njih ‘pojedu‘ mentalno i fizički, neki mogu do kraja života živjeti na taj način, pa se kroz pjesmu stalno povlači pitanje gdje je ta granica i koliko puta se čovjek može sa njom poigravati dok ne dođe do loma – o inspiraciji iza pjesme je ispričao Dino Jelusić.
Dino ističe i da je ova pjesma, čiju produkciju potpisuje Andreas Šala, drugačija zvukom od svega što su do sada izdali te otkriva kako bi ona mogla biti i stilska odrednica pjesama koje slede:
– U ovoj pjesmi kombinovali smo moderne metal riffove sa fusion i blues stilom te ambijentalnim djelovima. Mislim da sve ova fuzija stilova pokazala uspješnom i da funkcioniše sve što na papiru ne bi trebalo dafunkcioniše – rekao je Dino.
Uz pjesmu Jelusick predstavlja i spot u kom se momci iz benda pojavljuju u ulogama u kojima njihova publika možda i nije navikla da ih vidi. Otkačen, dinamičan spot, interesantne radnje potpisuje mladi sarajevski reditelj Dino Kadragić:
– Ideja je bila da se snimi zabavan spot u kojem bend upada ma djevojačku zabavu i testira živce mlade i njenih prijateljica sve dok na kraju djevojke ne popuste i počnu da se zabavljaju. Ovo je vizuelno lijep spot sa jednostavnom mini pričom čija je poenta zabaviti gledaoce kao što smo se i mi dobro zabavili na snimanju – poručio je.
Uz objavu željno iščekivanog novog albuma, Jelusick ove godine očekuju i brojni uzbudljivi koncerti po Hrvatskoj, Evropi, ali i drugim kontinentima. Sve informacije i novosti mogu se naći na službenoj web stranici benda.
Pesma "How Many Times" dostupna je na svim streaming servisima.
Uz Dina Jelusića, Jelusick su – Ivan Keller– gitara, Luka Brodarić – bas i Mario Lepoglavec – bubnjevi.