Toni će se družiti sa beogradskom publikom u Centru "Sava" 20. novembra, a karte za ovaj koncert su već rasprodate. Istaknuti umjetnik zakazao je još koncert 21. novembra na istom mjestu. Ovim povodom, Cetinski je odgovarao na pitanja medija, a najprije je odgovorio na kojoj sceni u Beogradu ima najbolju konekciju s publikom s obzirom na to da je nastupao u "Štark Areni", na Ušću, Tašmajdanu, Centru "Sava" i na brojnim trgovima:

-Prisnost koju imam sa publikom ne zavisi od veličine prostora i svaki koncert sa sobom nosi i odnosi nešto svoje. Privilegovan sam što imam takvu vjernu i strastvenu publiku toliko godina – rekao je on.

Na pitanje šta priprema u Centru "Sava" i kakva ga sjećanja vežu za ovu scenu kao i da li je nestrpljiv da je vidi u novom ruhu, Toni odgovara:

-S obzirom na to da su karte za prvi koncert planule i bez reklame – Cetinski objašnjava koliko ljubavi dijeli sa beogradakom publikom:

-Ta je ljubav čini mi se nesvakidasnja i puna obostranog uvažavanja i poštovanja. Mislim da ćemo još jednom poslati jaku poruku ljubavi i pomalo zaboravljenih ljudskih vrijednosti. Trudićemo se da ponovo budemo na nivou na koji smo navikli. Emocija je nešto što je teško ovako objašnjavati. To se može samo doživjeti.

Toni je za svoj rodjendan i povodom 35 godina karijere održao koncert u "Areni Zagreb", a na pitanje da li se slavlje nastavlja u Beogradu u Centru "Sava", on odgovara:

-Upravo to. Slavimo ljubav i svaki nam je koncert sajam ljubavi.

Svi oni koji su na vrijeme kupili svoje ulaznice za pomenute koncerte imaće priliku da uživaju u posebnim večerima, ali i da uživo slave ljubav uz najveće Tonijeve hitove.