Tako je nastala pjesma „Uspomena" – iz potrebe da se izrazi tuga, zahvalnost i ljubav prema onima koji više nisu među nama, ali čije prisustvo i dalje osjećamo, kaže Marina Nina Rmuš za "Dan", koja potpisuje kompoziciju i tekst numere, dok je aranžman radio Anton Lekočaj.

– Ova pjesma je omaž voljenima koji su nas napustili. Nije to samo pjesma tuge, već i pjesma snage, sjećanja i trajne povezanosti. Ona podsjeća da u svojoj boli nismo sami, da sjećanja nastavljaju da žive kroz naša djela i riječi – ispričala je Nina.

Ona je izrazila uvjerenje da će „Uspomena" pronaći put do svih onih koji traže riječi utjehe, koji se prisjećaju posebnih trenutaka i ljudi koji su ostavili neizbrisiv trag u njihovim životima.

– Pjesma je poziv na sjećanje, ali i na život – za one koji su otišli, kroz one koji ostaju – poručila je Nina.