Poznata manekenka Kendal Džener napunila je 30 godina, a veliku proslavu za svoje najbliže je organizovala na Karibima. Sestre su bile glavne zvijezde događaja, a najviše fotografija je podijelila Kim Kardašijan.

Među zvanicama su bili i Džastin i Hejli Biber, a sve je bilo organizovano u vili Tomija Hilfigera, za koju iznajmljivanje košta oko 110.000 eura za nedjelju dana, prenosi Daily Mail. Luksuzno imanje se prostire na šest hektara, a navodi se i da je, specijalno u njenu čast, otvarano skupocjeno vino iz 1995. godine, čija flaša košta 435 eura.

Ipak, kao i obično kada su ove sestre u pitanju, luksuz je uvijek tu, ali i njihova izazovna modna izdanja. Slavljenica je za ovaj dan nosila satenski top koji se veže oko vrata i braon dugu suknju. Pored nje je bila i Kris Džener u haljini sa tigrastim prugama.

A onda su došle na red i zanosne sestre.

Sve do jedne su obukle provokativne haljine koje ističu sve njihove obline. Kajli se odlučila za malu crnu haljinu sa dubokim dekolteom, Kim je nosila braon kreaciju sa spuštenim ramenima, dok je Kendal zablistala u ružičastoj haljinici bez rukava.