Prema sudskim dokumentima koje je pribavio TMZ, sudija je odbacio pet od devet Rodnijevih optužbi protiv Didija, koji je nedavno donio zbunjujuću odluku o saradnji sa Kanje Vestom.

Među odbačenim optužbama bile su i tvrdnje o kršenju zakona RICO (on dopušta prisluškivanje, zaštitu pokajnika i stalni progon organizovanih kriminalnih grupa), emocionalnom stresu kao i kršenju ugovora. Didi je žestoko negirao sve optužbe iz nedavno podnesenih tužbi, kao i sve savezne optužbe protiv njega prošle godine, prenosib92.

"Lil Rod nije ništa drugo nego lažljivac koji je podnio tužbu vrijednu 30 milijardi dolara u očajničkom pokušaju da se domogne novca," izjavio je ranije za medije Didijev advokat.

Jedna od Lil Rodovih tužbi bila je usmjerena i protiv kompanije Combs Global, koju je optužio za kršenje Zakona o zaštiti žrtava trgovine ljudima, ali je sudija i tu optužbu odbacio.

Iako Lil Rodova tužba protiv Didijaa i dalje stoji, čini se da je na klimavim nogama nakon što je sudija oštro kritikovao njegovog advokata. Naime, Lil Rodov pravni zastupnik, Tajron A. Blekburn, u sudnici je prozvan zbog navodno neadekvatnih pravnih podnesaka.

Sudija je takođe primijetio da se Blekburn ponašao kao da Didiju nije zagarantovana pretpostavka nevinosti u saveznom slučaju u kojem je optužen za trgovinu ljudima, reketirenje i druge zločine.

Još u februaru 2024. Lil Rod je tužio Didijaa zbog navodnog neprimjerenog dodirivanja i mogućeg silovanja pod uticajem droga, a tužba je podnesena samo nekoliko nedjelja prije nego što su federalni agenti izvršili raciju u dvije Kombsove kuće u sklopu istrage o trgovini ljudima.

Međutim, Kombsov pravni tim pokušao je da diskredituje Lil Roda otkrivajući njegovu prošlost s pravosudnim sistemom. Advokati su tada istakli da je Lil Rod 2003. osuđen za nepromišljeno ubistvo te da je u više navrata bio optužen za napade, iako su te optužbe kasnije odbačene.