Glumac je preminuo juče, u 47. godini.
- U tvom životu umiranje možda nije najteža stvar, ali nama i našoj cijeloj pozorišnoj sceni, ona se sad čini najtežom. Toliko vremena provedenog, toliko druženja, toliko uloga, štoseva, igre, za sumiranje i evociranje bilo bi potrebno mnogo vremena. Isto tako znamo da će uvijek ostati žal i zašto, jer smo zajedno trebali i mogli, još dosta - piše u oproštajnoj poruci objavljenoj na Fejsbuk stranici FIAT-a.
Doprinos Radusinovića FIAT-u je nemjerljiv.
“Pored svog umjetničkog poziva, na FIAT-u si nastupao, kao prijatelj, i onako velikodušno znanjem doprinosio realizaciji svakog izdanja festivala. (Ne)uspješno tješimo sebe da nam Stevan (Stiv Radus) u svom maniru upućuje riječi, H.Skot-Halanda:
Smrt nije ništa.
Ona se ne računa.
Ja sam samo skliznuo u drugu prostoriju, na druge scene.
Ništa se nije desilo.
Sve je dobro.
Ništa ne boli; ništa nije izgubljeno.
Jedan tren i sve će biti kao i prije
O kako ćemo se smijati ovome, kad se opet budemo sreli”.
