Ovaj pokret imao je 15 prigovora koje je prije DIK-a odbila Izborna komisija Glavnog grada.

– Rješenja će Pokretu Naprijed biti dostavljena danas. Od dostavljanja rješenja Državne izborne komisije počinje teći rok Pokretu Naprijed od 48 sati u kojem je moguće izjaviti žalbu Ustavnom sudu. Kada podnosilac eventualno izjavi žalbu Ustavnom sudu, sud šalje DIK-u žalbu. Nakon što DIK dostavi dokumentaciju, Ustavni sud ima rok od 48 sati da donese odluku - rekao je Nikola Mugoša, predsjednik Državne izborne komisije.

Iz Pokreta Naprijed ranije su saopštili da će nakon što od DIK-a dobiju rješenja o odbijanju prigovara, u zakonskom roku predati žalbu Ustavnom sudu.