Na zelenoj pijaci u Gintašu cijene su nepromijenjene u odnosu ne prošlu sedmicu. Sve više se traži nar koji košta tri eura, ali i japanske jabuke koje su po kilogramu cijenjene 1,50 eura. Jabuke su 50 centi više, a pomorandže se mogu kupiti od dva do tri eura. Za kilogram mandarina potrebno je izdvojiti od 80 centi do euro. Bijelo grožđe prodavci nude za tri eura, a crno je duplo skuplje i za kilogram treba izdvojiti šest eura. U ponudi imaju i pipun koji je cijenjen šest eura. Kruške su se mogle kupiti od tri do četiri koliko je bilo potrebno izdvojiti za "viljamovku", dok su banane dva eura.

Kilogram krompira juče je koštao od euro do 1,30, dok je crni luk 1,80, a bijeli pet eura. Za paradajz potrebno je izdvojiti 1,50, a krastavac je cijenjen euro. Paprike su od 1,50 do dva eura, a tikvice 1,50 eura. Kupus je nuđen za 80 centi, a šargarepa od euro do dva, dok je cvekla euro.

Kilogram kisjelog kupusa treba platiti od dva do 3,50 eura. U ponudi prodavci imaju i turšiju koja košta 3,50, koliko treba izdvojiti i za kisjele paprike. Masline su cijenjene pet eura, a miješana salata 3,50 eura.

Stari sir je osam i devet, a mladi šest eura. Za kilogram mladog kajmaka potrebno je izdvojiti 15, dok je stari skorup 33 eura. Lisnati sir cijenjen je deset, a maslo 20 eura. Jaja po komadu, u zavisnosti od klase, prodaju se od 15 do 25 centi.