Kilogram jabuka prodaje se po cijeni od euro do 1,50, dok su dunje 2,50 eura, a nar je za 50 centi skuplji. Kruške se prodaju po cijeni od dva do 2,50, pomorandže su od euro do 1,50 eura.

Mandarine su nešto skuplje i koštaju dva eura. Avokado po komadu se prodaje za 1,50, dok je kivi 20 centi skuplji. Za limun je potrebno izdvojiti dva eura, a jagode su pet eura. Banane se prodaju po cijeni od 2,50 eura.

Krastavci se prodaju od tri do 3,50, dok za brokoli treba izdvojiti 4,50 eura. Paradajz košta 3,50, a karfiol je 50 centi jeftiniji. Zelena salata nuđena je od 2,60 do 3,50 eura, domaći i crveni luk su 1,50, a bijeli pet eura.

Za bundevu je potrebno izdvojiti dva, a za kilogram šargarepe i cvekle po 1,50 eura.

Praziluk je dva eura, kupus euro, a rotkvica 1,50 euro. Raštan je od tri do 3,50 eura, spanać tri, a blitva 3,50 eura. Kilogram krompira košta 90 centi.

Cijene sira su nepromijenjene. Kolašinski sir prodaju od pet do šest eura, stari je sedam, a lisnati pljevaljski devet eura. Kilogram kajmaka košta 12 eura.

Jaja po po komadu su od 17 do 24 centa.