Napoli je loše otvorio i 2024. godinu, bio je nemoćan u Torinu protiv raspoloženog domaćina koji je odigrao sjajan meč i slavio sa 3:0. "Bikovi" su očitali lekciju Napolitancima koji će teško će do mjesta u Ligi šampiona ako ovako nastave, a pitanje je koliko će uprava još imati strpljenja za trenera Valtrera Macarija.

Trenutno Napoli dijeli osmu poziciju sa Romom sa 28 bodova, s tim da "vučica" svoj meč 19. kola igra protiv Atalante večeras na Olimpiku. Torinu je deveti sa samo bodom manje, ali mu četvrtoplasirana Fioretina bježi samo šest bodova.

Za razliku od Napolija, Lacio je u naletu, u Udinama je vezao i treću pobjedu i trenutno je na šestom mjestu, sa tri boda manje od tima iz Firence.

Rezultati 19. kola: Empoli – Milan 0:3 (0:2) (Loftus-Čik 11, Žiru 31 p, Traore 88), Torino – Napoli 3:0 (1:0) (Sanabrija 43, Vlašić 52, Bonđorno 66), Udineze – Lacio 1:2 (0:1) (Valas 59 – Pelegrini 12, Vesino 76). Salernitana – Juventus (18.00), Roma – Atalanta (20.45).