Prema njegovim riječima, Jevrejska zajednica u Crnoj Gori svojim dugim i bogatim nasljeđem, kao i aktivnim učešćem u društvenom životu naše države, predstavlja vrijedan stub multikulturalnosti i most saradnje među narodima i vjerama.
- Vaša posvećenost očuvanju tradicije, njegovanju međusobnog poštovanja i doprinos izgradnji društva zasnovanog na toleranciji i solidarnosti, dragocjen su primjer koji nas sve obavezuje - navodi se u čestitki Koprivice.
Kako je dodao, njen doprinos unapređenju međuvjerskog sklada i društvene kohezije, stvara čvrsto uvjerenje da će i u budućnosti zajedno raditi na jačanju vrijednosti koje nas spajaju.
- Ovom prilikom čestitam i na nedavnom izboru za potpredsjednicu Svjetskog jevrejskog kongresa, što je veliko priznanje i čast ne samo za Vas i vjersku zajednicu koju predstavljate, već i za cijelu Crnu Goru. Uz želju za zdravljem, uspjehom i blagostanjem Vama lično, kao i svim članovima Jevrejske zajednice, primite izraze dubokog poštovanja - zaključio je Koprivica.
