Vladimir Dado Đuranović, rođen 1974. godine. Završio je Školu primijenjenih umjetnosti u Sarajevu 1992. godine i slikarstvo na Fakultetu likovnih umjetnosti na Cetinju 1997. godine, gdje je i magistrirao 2000. godine, u klasi profesora emeritusa Nikole Gvozdenovića. Angažovan je kao redovni profesor na istom fakultetu i Arhitektonskom fakultetu u Podgorici. Član je Udruženja likovnih umjetnika Crne Gore od 1997. godine.

Izložbu prati katalog za koji je tekst napisao Pavle Goranović.

– Olga Tokarčuk u knjizi "Blagi pripovjedač" piše da je duboko uvjerena u to "da nema umjetnosti bez prstohvata iracionalnosti. Umjetnost uvijek izražava cjelinu ljudskog iskustva, čovjek u sebi nosi i intuiciju i opsesije, i ludilo i fantazije, i to podjednako koliko i ideje 0148. Zar ove riječi ne važe za Dada Đuranovića, kada nam pruža slobodne omjere stvarnosti i fantastike? Njegova je imaginacija stvar onog što je u suprotnosti s racionalnim; tako vidimo sve dok ne uočimo da su ove slike mogućnije nego sve drugo što nas okružuje - piše Goranović, između ostalog.