iako se činilo da će Kevin Durent ostati u Bruklinu i sa Kajri Irvingom napasti titulu, šok u Bruklinu.

Najbolji igrač je preko svog menadžera Riča Klejmana zvanično zatražio trejd.

Želja mu je da se pridruži Finiksu, ali se nešto pitaju i Netsi.

Nema sumnje da će sve uraditi da Durenta trejduju za rekordan broj igrača i pikova sa narednih draftova.

Pominje se i odlazak u Majami.

Samo tri godine od dolaska iz Golden Stejta, Kej-Di je zvanično tražio odlazak, nakon što u dresu Brulina nije ostvario ciljeve koje je zacrtao kada je stigao iz redova "ratnika", sa kojima je osvojio dvije titule.

Dok su Voriorsi ponovo osvojili prsten, Durent je u Bruklinu ove sezone doživio razočaravajući poraz u plej-of seriji protiv Bostona (0:4).

Prije Golden Stejta i Bruklina, on je igrao i za Oklahomu i tamo je ostavio dubok trag, ali nije uspio da ekipu predvodi do titule.

Sa Tandersima je nastupio u finalu 2012. protiv Majamija (1-4), a 2016. je protiv moćnog Golden Stejta imao prednost 3-1 u finalu Zapada, ali je ipak izgubio tu seriju protiv njih, pa im se pridružio.

Sada će NBA asa čekati nova epizoda u karijeri započetoj u dresu ugašenog Sijetla 2007. godine.