- Drage Beranke i Beranci, moji sugrađani iz našeg Ivangrada, obraćam vam se kao neko ko duboko vjeruje u snagu našeg grada i u ljude koji ga čine posebnim. Ivangrad nije samo ime iz prošlosti – to je duh zajedništva, solidarnosti i ponosa koji još uvijek živi u svakome od nas. Taj duh želim da oživimo i zajedno vratimo u naše Berane, jer grad nije samo mjesto, već osjećaj pripadnosti. Ako nam ukažete povjerenje, obećavamo da ćemo raditi za grad koji poštuje svoju prošlost, ali gleda u budućnost. Grad u kojem će naši stari pričati unucima kako se nekada gradilo i živjelo s ljubavlju i trudom. Gdje će mladi imati razlog da ostanu i snove da ovdje ostvare.Sjećate li se kako smo nekada ponosno govorili da smo iz Ivangrada? Taj osjećaj želim da vratim – ponosno da kažemo "Ja sam iz Berana".- kazao je on.

Kako je kazao, to znači grad bez rupa na putevima, gdje Lim teče čist, a naše mahale i ulice  odišu životom i nadom. Grad gdje svaki čovjek zna da je važan.

- Obećavamo vam da ćemo zajedničkim snagama graditi Berane u kojem ćemo ponovo osjetiti duh našeg starog Ivangrada. Ne kroz nostalgiju, već kroz konkretne promjene. Da naši domovi budu puni radosti, a naš grad pun prilika za svakoga. Vrijeme je da zajedno obnovimo Berane koje nije zaboravilo svoje pretke, ali se hrabro okreće budućnosti. Hvala vam na povjerenju i vidimo se 8. decembra – jer taj dan biramo snagu Ivangrada u budućnosti Berana- navodi u saopštenju.