Kur para katër vjetësh me mjetet e Organizatës Turistike u ndërtuan pikat e vrojtimit mbi Valdanos, njërin nga gjiret më të bukura në Mesdhe dhe në kthesën e Shtegvashës, Ulqini fitoi dy atraksione turistike me të cilat edhe më shumë do ta valorizonte hapësirën e vet.

Pas disa vitesh, nga pakujdesi i autoriteteve dhe me veprimin e individëve të papërgjegjshëm, këto lokalitete u shkatërruan deri në atë pikë sa që tani janë pothuajse të papërdorshëm. Kur u hapën në mënyrë solemne, u vendosen edhe "ulëset e mençura" me energji diellore që t'u mundësohet turistëve të karikojnë celularët e tyre, e njëkohësisht kishin edhe internet falas. Ulëset kishin edhe ndriçim LED, e qëllimi ishte që të zgjerohet oferta turistike e qytetit dhe të gjithë turistëve që vijnë t'u prezantohen bukuritë e kësaj pjese të Ulqinit. Sot nuk mbeten as gjurmët. Çdo gjë është shkatërruar, thyer, marr, ndërsa autoritetet përkundër premtimeve akoma nuk reagojnë për t'i kthyer në gjendjen fillestare dhe të sigurohet mbrojtja e tyre.

Ju thërrasim të plotësoni anketën dhe në këtë mënyrë të angazhoheni për zbardhjen e këtij problemi.