Fantastičan potaž od voća, povrća, kokosovog mlijeka i karija.

Sastojci:

– 1 šargarepe

– 2 zelene jabuke

- 1 glavica crnog luka

- 2 čena bijelog luka

- 2 supene kašike karija

- 1 litar supe od pileće ili povrtne kocke

- 400 ml kokosovog mlijeka

- 3 grančice majčine dušice

- maslinovo ulje

- so, biber

Priprema:

Oprati i oljuštiti šargarepu, jabuke, crni i bijeli luk. Isjeckati na sitno jabuku i luk. Šargarepu isjeći na kolutiće.

U širu i veću šerpu dodati malo maslinovog ulja, jabuku i crni luk. Dinstati na umjerenoj temperaturi oko pet minuta.

Dodati bijeli luk, majčinu dušicu i začine. Dinstati oko dva minuta uz konstantno miješanje.

Dodati šargarepu i supu od pileće ili povrtne kocke. Ostaviti da proključa. Smanjiti temperaturu i kuvati oko 40 minuta, dok šargarepa ne bude skuvana.

Izvaditi majčinu dušicu. Posoliti i pobiberiti. Dodati kokosovo mlijeko i dobro izmiksati u blenderu ili pomoću štapnog miksera, dok ne dobijete željenu teksturu.